Fleire mulegheiter i Finnmark

Doktorgradsavhandlinga "Hjemme i nord" viser blant anna korleis gjennomsiktige og kompakte kyststader har kort veg til makt og innverknad. Mange innflyttarkvinner opplever difor at dette gjev fleire mulegheiter på arbeidsmarknaden, i politikken og i lokalsamfunnet generelt.

Modigare utanfor Oslo

"Birgitta" er ei av kvinnene som fortel si kvardagshistorie frå Vadsø, etter valget om å flytte tilbake. "For min del, så tror jeg aldri at jeg hadde gått så tidlig ut og starta min egen bedrift dersom jeg hadde bodd i Oslo. Hadde ikke turt. For det er så mye lettere å bli synlig her. Det er så mye lettere å få oppdrag" (Birgitta).

Forske på motstraums

"Forskning og media har lenge fokusert på utflytting, men det er mange som også vel å flytte mot straumen", seier Mai Camilla Munkejord til Kilden - informasjonssenter for kvinneforsking. Ho håpar at avhandlinga kan bidra til å bryte ned nokre førestillingar om nordområda som bu og arbeidsområde og til meir variasjon i val av stad og tematikk innanfor distriktsforskinga.

Les meir om avhandlinga "Hjemme i nord" hjå Kilden - informasjonssenter for kvinneforsking.

Hjemme i nord : en analyse av stedsopplevelser med utgangspunkt i kvinnelige og mannlige innflytteres fortellinger om hverdagsliv i Havøysund og Vadsø, Finnmark

Munkejord, Mai Camilla , Universitetet i Tromsø (2009).