Nytt tilskot for bustadetablering i distrikta

Ordninga vil omfatte 10-12 kommunar utvalde kommunar i område med små og usikre bustadmarknader og/eller mangel på bustader.

Kommunane kan bruke tilskotet til å byggje nye, rehabilitere eller byggje om bustader for utleige i kommunen. Kommunane kan òg gje tilskottet vidare til selskap, stiftelsar og liknande som vil etablere slike utleigebustader. Vidare kan kommunane gje tilskot til privatpersonar som ynskjer å byggje eigen bustad der.

I område med små og usikre bustadmarknader kan manglande bustadtilbod for tilflyttarar vere til hinder for rekruttering. Tilskotsordninga skal motverke dette. Ordninga vil også auke kunnskapen lokalt om korleis det kan leggast til rette for god bustadutvikling.

Tilskotet skal forvaltast av Husbanken, som også vil velje ut kommunane som får tilbod om å delta. Dette vil skje i løpet av hausten og tidleg i 2012.

Les pressemeldinga om nytt bustadtilskot på Kommunal- og regionaldepartementet sine nettsider.