Vestlandsk vidsyn - nyskapande lokalsamfunn i vest

Kva betydning har samfunnsentreprenørskap i lokalsamfunnsutviklinga? Kan kulturarrangement og festivalar gje næring til nyskaping lokalt? Kan vi planlegge oss til utvikling? Er vi vidsynte nok til å sjå byen og innflyttaren som ressurs for bygda? Desse spørsmåla løftar vi fram på Vestlandsk Vidsyn - møtestaden for nyskapande lokalsamfunn i vest!

Gjennom plenumsinnlegg, kafè-dialog, sesjonar og arbeidsverkstader skal deltakarane få rikt høve til å hauste ny kunnskap, dele erfaringar og få nye verktøy i arbeidet med nyskaping i kommunar og lokalsamfunn.

Målgruppa for konferansen er prosjektleiarar, deltakarar i lokalt utviklingsarbeid, politikarar og andre personar som arbeider med lokal samfunnsutvikling og etablerarrettleiing i kommunar og regionar.

Detaljert program finn du under lenkene i høgre spalta. Sjå også nettstaden kom-an.no for påmelding og program. Påmeldingsfrist 1. oktober.

Vestlandsk Vidsyn blir arrangert av Distriktssenteret, i samarbeid med vestlandsfylka Møre og Romsdal, Sogn og Fjordane, Hordaland og Rogaland.