Ungdom med framtidstru i Grue

Ung tiltakslyst

Fleire av dei frammøtte var elevar frå ungdomsskulen i kommunen.I tillegg til nokre av dei ungdommane som pendlar til dei vidaregåande skulane i nabokommunane. Leiaren i barne- og ungdomsrådet Petter Weldingh, fekk mykje ”input” frå alle tre føredragshaldarane. Dette vil han  ta med seg vidare til ungdomsrådet. Berre det å bli karakterisert som ”den kreative klassen”, trur han er med å stimulera ungdommen til å vera både stolt og bidra til auka tiltakslyst for kommunen sitt beste.

Frå inspirasjonsseminar til lokal ungdomssamling?

No håpar Weldingh at barne- og ungdomsrådet kan gå saman med kommuneadministrasjonen om ei breiare samling av ungdommen i kommunen. For oss som er barn og unge i Grue, har etablering av ein barne- og ungdomsskule vore svært positivt, sa  Kaja Thomassen i 9B på skulen. Ein ny, samlande skule med godt læringsmiljø, er svært viktig å ha med seg før vi skal kome oss vidare i livet, sa ho.

Tettare regionsamarbeid

På samlinga i Grue var også ordførarane frå Våler og Åsnes. "Vi er jambyrdige,  og vi har mykje å hente av kvarandre", sa Lars Petter Heggelund,  ordførar i Åsnes. "Det har alltid vore god tone mellom kommunane. Denne gang var Grue raskt bana, og vi er glade for å bli inviterte". Og uavhengig av spørsmålet om framtidige kommunesamanslåingar, er det viktig å få til samarbeid som styrkar kommunane i regionen, meinte dei tre ordførarane.

Anita Goplen, lokal tilretteleggar for inspirasjonsseminaret i kommunen, ser på denne samlinga som ”midt i blinken”, no når Grue skal dra i gang ein ny kommuneplan. "Vi har fått mange innspel både frå foredragshaldarar og innspel frå salen, som vi tek med oss vidare i arbeidet", avslutta Goplen.