Andre generasjon reiseliv i distrikts-Norge

Forskingsprosjektet hadde lagt sitt første møte til Henjatunet Eggjagarden i Leikanger den 24-25. mai 2011. Her hadde dei også invitert Bernhard Lane frå University of Bristol, som ein av fleire internasjonale samarbeidspartnarar. Agnes Brudvik Engeset frå Vestlandsforsking fortel at Bernhard Lane har lang erfaring med å sjå på bygdeturismearbeidet både frå Storbritannia og andre land, og var ein av oss som sette oss på ideen om gå i gang med dette forskingsprosjektet.

På Henjatunet møtte også Ann Margret Hauknes frå NCE Tourism og Roar Werner Vangsnes frå Distriktssenteret. Dei er to av seks representantar i ei referansegruppa som er oppnemnt i forskingsprosjektet Det er vera av stor interesse å ha med personar og institusjonar som kan gi oss innspel når no er i gang og skal arbeide vidare med prosjektet, seier Brudvik Engeset.

Hovudmålet i arbeidet

Det er sagt at hovudmålet skal vera å analysera kva eit meir økonomisk og sosialt robust og mijømessig berekraftig andre generasjons distriktsbasert reiseliv skal innehalda. Vidare vil ein sjå på kva for strategiar som må utviklast for å oppnå dette.

Utval av bedrifter

Henjatunet Eggjagarden som består av ein gardsrestaurant, gardsbesøk med omvisning og produksjon av saft og sider, vil truleg bli med som ein av fleire bedrifter som vert intervjua i arbeidet. Prosjektstyret fekk eit innlegg av både vertinna Marit Henjum Halsnes og dottera Inga som er midt i universitetstudiane. Neste generasjon har vore med i drifta frå tenåra og ser at det ligg store og spennande utfordringar å kunne overta bedrifta når tida er "moden".

Samarbeid mellom forskingsinstitusjonar

Agnes Brudvik ser det som spennande å kunne få gjennomført eit forskingsprosjekt mellom to institusjonar som etterkvart har brei erfaring på området. Og spesielt kjekt er det når vi også skal forske på dei framtidige menneskelege ressursane i tillegg til dei vegvala næringa og politikarane vil gjere i tida som kjem.