Manglande bustadtilbod er ein sterk hemmar for utviklinga i mange distriktssamfunn. Regjeringa startar no opp ei satsing, for å stimulere bustadetableringa i vanskelege bustadmarknader. 20 millionar er sett av i 2012, med søknadsfrist 1.mars.
Den nyleg lanserte bustadsatsinga skal gå over tre år og rettar seg mot distriktskommunar med små og usikre bustadmarknader, eller bustadmangel. Mange kommunar og næringsliv med rekrutteringsbehov og mål om tilflytting erfarer at bustadtilbodet er ein stor flaskehals. Særleg er gode leigebustader ei utfordring.
Satsinga har difor ei konkret målsetting om å auke kunnskapen om bustadetablering i distriktsområde, og stimulere bustadetableringa og auke tilbodet av ulike typar bustader. bustadmarknader.
Ei ny tilskotsordning er ein viktig del av satsinga, der 10-12 distriktskommunar blir valgt ut til å delta. Tilskotet skal stimulere til at det vert bygd nye, rehabilitert eller bygd om bustader for utleige. Kommunane kan òg gje tilskottet vidare til selskap, stiftelsar og liknande som vil etablere slike utleigebustader. Vidare kan kommunane gje tilskotet vidare til privatpersonar som ynskjer å byggje eigen bustad der.
I 2012 er det sett av 20 millionar til tiltaket. Søknadsfristen er 1. mars 2012. Kommunal- og regionaldepartementet står bak initiativet og har gitt Husbanken i oppdrag å gjennomføre satsinga.
Les meir om måla for satsinga hjå Kommunal- og regionaldepartementet.
Informasjon om søknadsprosessen, søkekriteria og innhaldet i satsinga finn du hjå Husbanken.
Publisert: 20.01.2012 Endret: 01.02.2012