Kunnskap krysser grenser - forprosjekt

Innovasjon Norge Sogn og Fjordane har i samarbeid med IT-forum etablert prosjektet "Kunnskap krysser grenser". Prosjektet skal utgreie og teste løysingar for å auka tilgangen til arrangement, informasjonsmøte og utdannings- og opplæringstilbod over nettet.

Prosjektet starta opp i januar 2010 og skal vera ferdig til IT-forum konferansen i slutten av september, der dette også er hovudtemaet.

Nettstreaming ved presentasjon av næringsbarometer

Partnarane bak Næringsbarometeret for Hordaland og Sogn og Fjordane tok nettopp denne teknologien i bruk, då dei presenterte mai-utgåva av næringsbarometeret på Leikanger. Seminaret blei streama og kringkasta på internett og sjåarane ”der ute” deltok ved å stille spørsmål via e-post eller twitter.Til saman var det rundt 250 personar som fekk med seg sendinga over internett. 50 personar møtte opp ”fysisk” på Leikanger. Sjå kringkastinga av næringsbarometeret.

Stort behov

Personar, som bur og arbeider i Sogn og Fjordane, har store reise- og tidskostnader for å delta på konferansar og seminar enten dei føregår i eige fylke eller i Oslo eller Bergen. Moderne IKT-løysingar har eit stort potensiale for å redusere denne ulempa gjennom å levere kurs, seminar og konferansar over nettet. Tilgangen til kunnskap kan aukast betrakteleg og redusere kunnskapsskiljet mellom ulike regionar.

Kartlegging

Prosjektet "Kunnskap krysser grenser" skal kartlegge tilgjengeleg teknologi og tenester for overføring av møte, kurs og konferansar over nettet. Prosjektet skal også kartlegge relevante kurs og konferansar både i regionen, nasjonalt og internasjonalt og finne dei gode eksempla for formidling via nett og ein del andre aktivitetar. Rapporten skal leggast fram på It-Forum hausten 2010.

Superbreiband og e-arrangement

Ein av føresetnadane for slike arrangement er at infrastrukturen er på plass, og det er langt på veg full breibandsdekning over heile landet. Samstundes blir det jobba ytterlegare med å få endå høgare kapasitet i nettet.

Men, som med mykje anna, viser seg at dette superbreibandet først og fremst blir utbygd i dei store byane og i befolkningstette område. Ein rapport om Gevinstar av høghastigheits breiband i distrikta, viser at det er mogeleg å ta ut gevinstar sjølv kort tid etter at høgkapasitetsbreiband er bygd ut, også i distriktsområde. Rapporten, utarbeidd av Nexia på oppdrag frå Distriktssenteret, slår fast at raskt breiband gjer det lettare for både private og offentlege føretak å halde til i distrikta. E-arrangement som prosjektet "Kunnskap krysser grenser" synleggjer, er eit godt døme på gevinstar av breibandsinvesteringar i distrikta.

Dette er IT-forum

IT-forum Sogn og Fjordane samlar offentlege og private verksemder i felles løft for framtidsretta satsingar på IKT som motor for nyskaping og utvikling i Sogn og Fjordane. Sentrale deltakarar i arbeidet rundt "Kunnskap krysser grenser" er bl.a: Innovasjon Noreg Sogn og Fjordane, fylkesmannen i Sogn og Fjordane, Sogn og Fjordane fylkeskommune, Vestlandsforsking og industriverksemda Lerum.

Andre relevante prosjekt knytt til IKT som motor for distriktsutvikling

Stedsuavhengige arbeidsplasser i Troms - eit prosjekt i regi av Troms fylkeskommune, Dyrøseminarsenteret, Senja næringshage og Avikom AS.