Aldersvenlege bustader og bumiljø i distrikta

Korleis kan distriktskommunar utvikle aldersvenlege bustader i aldersvenlege bumiljø? Det skal prosjektet Aldersvenlege bustader og bumiljø i distrikta finne ut.

1. mars 2021

Mål for prosjektet

Målet for prosjektet (2020-2022) er å styrke kunnskapen om aldersvennleg bustadutvikling, og prøve ut korleis distriktskommunar kan legge til rette for å utvikle tilbodet, både av eksisterande og nye bustader, i aldersvennlege bumiljø. Arbeidet skal identifisere flaskehalsar og gje råd om korleis kommunar kan kople eldrepolitikken til overordna samfunnsplanlegging, stadutvikling og folkehelsearbeid.

Det er eit mål å utvikle metodar og få fram virkemidlar og verktøy, bla. betre samfunns- og arealplanar og konkrete tiltak, særleg prosjekt som ivaretek sosiale buformer. I arbeidet skal det også gjerast vurderingar av eksisterande virkemidlar og forslag til nye. Slik skal nettverksprosjektet gje grunnlag for fleire aldersvennlege bustader og bumiljø.

Distriktssenteret, Husbanken og 11 kommunar deltek i prosjektet.

Bakgrunn for prosjektet

Talet eldre vil auke sterkt i åra fram mot 2030, særleg i mindre distriktskommunar. Samstundes veit vi at bustader og bumiljø i distrikta generelt er lite aldersvennlege. Folk bur som regel i mindre tilgjengelege, ofte spreiddbygde einebustader. Utbetring av eksisterande bustader og bygging av nye, tilgjengelege bustader vil gjere det mogeleg for fleire å bu heime i eigen bustad, så lenge som mogeleg. Det er i tråd med folk sine ønske, og det vil gje auka livskvalitet. For kommunane vil det kunne gje betre utnytting av helse- og omsorgstilbodet.

Men investering og nybygging i distrikta er utfordrande, med høgare risiko rundt finansiering og prisfall. Medan byggekostnaden er nokonlunde lik over heile landet, kan ikkje salsverdien av bruktbustader i distrikta måle seg med prisen ved nybygg. Det hemmer nødvendig sirkulasjon og bustadbyte for folk med endra behov.

Desse kommunane deltek

Prosjektet rettar seg mot kommunar med små og lite fungerande bustadmarknader, men har overføringsverdi også til andre kommunar.

Arbeidsgruppa består av

Birger Jensen, prosjektleiar Husbanken
Torstein Syvertsen, Husbanken
Sigbjørn Spurkeland, Husbanken
Lillian Hatling, Distriktssenteret
Trude Risnes, Distriktssenteret

Les meir om prosjektet hos Husbanken (opnar i nytt vindauge).

Eigen bustad – ei viktig brikke for trivsel og busetjing

Korleis kan distriktskommunar gjere det lettare for innvandrarar å realisere draumen om eigen bustad – og samtidig bidra til å styrke lokalsamfunnet?

26 distriktskommuner får støtte til nye boligtiltak

Husbanken og Distriktssenteret har i fellesskap valgt ut 26 prosjekt som får totalt 21 millioner kroner i støtte.

Små, usikre eller stagnerende boligmarkeder

Utan gode bustadstrategiar kan bustadmarknaden i distriktsområde vere til hinder for både folketalsutvikling og næringsutvikling.

Bustadtilbod for unge i opplæring

Eigne butilbod for elevar i videregåande og lærlingar kan vere gode tiltak for å styrke rekruttering til opplæring og arbeidsliv. Nokre distriktskommunar og regionar har velprøvde løysingar.