Felles samling 2026 for «Tett-på kommunane» Fjord, Gjemnes, Sande, Stranda og Vanylven
Erfaringssamling for «Tett på»-kommunane om samfunnsutvikling og strategisk planlegging 22.-23. september 2026.
Statsforvaltaren, Møre og Romsdal fylkeskommune og Distriktssenteret inviterte til felles samling for Tett-på-kommunane. Tema var samfunnsutvikling og strategisk planlegging, med hovudvekt på omstillingsarbeid innafor helse- og omsorgssektoren.
Politisk og administrativ leiing i kommunane var hovudmålgruppa for samlinga. I tillegg deltok representantar frå KS og Husbanken, samt følgeforskarar frå Oxford Research.
På samlinga fekk kommunane dele erfaringar og arbeide med relevante, praktiske problemstillingar. Det var lagt opp til at alle kommunane skulle bidra med innlegg og erfaringsutveksling både i plenum og i gruppearbeid. Målet var at kommunane skulle kome eit steg vidare i eige utviklingsarbeid knytt til plan og omstilling. Deltakarane arbeidde også vidare med behov knytte til kommunikasjonsarbeid.
Oppsummering av fellessamlinga
Samlinga gav deltakarane høve til å dele erfaringar og hente inspirasjon frå kvarandre.
Måla for samlinga var at:
- kommunene fikk delt erfaringer, fikk inspirasjon og gode eksempler
- kommunane fekk jobba med eiga utviklingsarbeid knytt til plan og omstilling
- kommunane og laget rundt er betre rigga for neste kommunestyreperiode
På samlinga var det innlegg og gruppearbeid om:
- læring på tvers - Kommunane delte erfaringar
- intern forankring av plan- og omstillingsprosessar
- frå plan til handling
- kunnskapsgrunnlag - Statsforvaltar og fylkeskommunen sitt bidrag
Ta kontakt med Inga Marie Skavhaug dersom du ønskjer meir informasjon eller vil sjå presentasjonane frå samlinga.
Her kan du sjå gruppeoppgavane (opnar i nytt vindauge) deltakarane jobba med. Du kan også lese notata fra gruppearbeidet (opnar i nytt vindauge) og evaluering av fellessamling 2026 (opnar i nytt vindauge).
