Ung i Distrikts-Norge 2025 (Webinar)
Er det nokre grep ein distriktskommune kan gjere for å bidra til ungt gründerskap? Korleis kan distriktsbutikkar bidra til skaparkraft og bulyst hjå dei unge?
Torsdag 27.03.25 frå kl. 09.00 til 11.00 arrangerer Distriktssenteret Ung i Distrikts-Norge 2025.
Webinaret skal sjå nærare på kva som skal til for at dei unge i distrikta skal ynskje å etablere seg med eigen arbeidsplass og bli buande i distriktet. I webinaret møter du unge gründerar, butikkdrivarar og bidragsytarar. Dei fortel om kva faktorar som bidreg til at fleire unge startar opp og driv eigen verksemd.
Arrangementsfakta
Starter: 27. mar. 2025 kl 09:00
Slutter: 27. mar. 2025 kl 11:00
Sted: Digitalt arrangement
Kva fremmar ung skaparlyst i distrikta?
Demografiske utfordringar gjer at distriktskommunar må tilrettelegge for at fleire unge vil bu og jobbe i distrikta. Kommunane treng dei unge for å skape innovasjon, utvikle berekraftige lokalsamfunn og løyse framtidas utfordringar med sine nye tankar og idear. Kven har ansvar for å gje rom for ung skaparkraft og kva mogleheiter finns? Kven er aktørane som bidreg og kva verkemiddel finns? Kva ynskjer unge gründerar seg? I webinaret får vi lære og diskutere korleis ein saman kan legge betre tilrette for auke skapargleda hjå dei unge.
Webinaret passer for
- ordførarar, kommunedirektørar og næringssjefar
- regionale næringsselskap
- regionale og fylkeskommunale leiarar
- politikarar
- verkemiddelaktørar
- ungdom med skaparlyst
